Local

firauti
Written by tinaufm

firauti

रुपन्देहीमा ३० लाख रुपैयाँ फिरौती माग्दै रकम नदिए छोराहरुसहित परिवारकै हत्या गरिदिने धम्की दिने एक व्यक्ति पक्राउ परेका छन् । रुपन्देहीको सैनामैना ५ बस्ने २२ वर्षीय लोकनाथ न्यौपानेलाई प्रहरीले पक्राउ गरी कारवाही प्रक्रिया अगाडि बढाएको प्रहरीले जनाएको छ ।

रुपन्देहीको साविक अमुवा ४ हाल सियारी गाउँपालिका ७ हिरागञ्ज बस्ने अर्जुन भट्टराईसँग न्यौपानेले फिरौती माग्दै आएको अवस्थामा प्रहरीले पक्राउ गरेको हो । इलाका प्रहरी कार्यालय बुटवलका प्रमुख प्रहरी नायव उपरीक्षक मुकुन्द मरासिनीका अनुसार न्यौपानेले यही जेठ १९ गतेदेखि फिरौती माग्दै आएका थिए ।

मोवाइलबाट पटक–पटक फोन र एसएमएस गरी फिरौती माग्दै आएको अवस्थामा बुटवल १२ तामनगरबाट न्यौपानेलाई पक्राउ गरिएको प्रहरीले जनाएको छ । उनले ३० लाख नदिए छोराहरुको अपहरण गर्ने र सवै परिवारलाई नै हत्या गर्ने योजना बनाएको पाइएको प्रहरीले जनाएको छ । फिरौती माग गरि धम्की दिएको सूचना प्रहरीले पाए लगत्तै जिल्ला प्रहरी कार्यालय रुपन्देहीले प्रहरी नायव उपरिक्षक मुकुन्द्र मरासिनीको नेतृत्वमा अनुसन्धान टोली खटाएको थियो । मरासिनीको नेतृत्वको टोली न्यौपानेलाई पक्राउ गर्न सफल भएको हो । न्यौपानेलाई अपहरण उद्योग मुद्दामा म्याद थप गरि अनुसन्धान थालेको मरासिनीले बताए ।

About the author

tinaufm

Leave a Comment