Entertainment International Local National Politics Sports

मलुककै पहिलो ट्राभल एप ‘गो नेपाल होलिडे’ सार्वजनिक

Go-Nepal-Holidays-2
Written by tinaufm

पर्यटन प्रवर्द्धनमा कोशेढुंगा सावित हुने विश्वास

२०७२ असार १७ गते १७:४३ मा प्रकाशित

Go Nepal Holidays (2)

१७ असार, काठमाडौं । नेपालका प्रमुख पर्यटकीय गन्तव्यहरु समेटिएको मोबाइल एप ‘गो नेपाल होलिडे’ सार्वजनिक भएको छ । मुलुकको पर्यटन पर्वद्धन गर्ने उद्देश्यसहित विकास गरिएको यो मुलुककै पहिलो ट्राभल एप हो ।

नेपाल घुम्न आउने पर्यटकको सुविधाका लागि इन्सेन्टिभ होलिडेजले ट्राभल एप विकास गरेको जनाएको छ । विश्वभरका पर्यटकले ‘गो नेपाल होलिडे’ एपबाट नेपालका गन्तव्यहरु पहिल्याउन सक्नेछन् ।

मोबाइल एपमा नेपालका अधिकांश पर्यटकीय गन्तव्य, ट्रेकिङ रुट, होटल, प्याकेजहरु, यातायात, ट्राभल ट्रिप्स लगायत पर्यटनसँग सम्बन्धीत सम्पूर्ण जानकारी प्राप्त गर्न सकिने छ । पर्यटकले एपबाटै अनलाइन बुकिङ समेत गर्न सक्ने इन्सेन्टिभ होलिडेजका अध्यक्ष हरिमान लामाले बताए ।

विनाशकारी भूकम्पका कारण पर्यटन क्षेत्रमा देखिएको संकट समधानका लागि यस्तो एप विकास गरेको लामाले बताए । ‘भूकम्पपछि नेपालको पर्यटन क्षेत्रका बारेमा अन्तर्राष्ट्रिय जगतमा नकरात्मक प्रचार भइरहेको छ’ उनले भने- ‘मोबाइल एपले मुलुकको सत्यतथ्य कुरा बाहिर लगेर पर्यटन प्रवर्द्धनमा सघाउने विश्वास लिएका छौं ।’

मोबाइल एपमा नेपाली पर्यटनको बारेमा सम्पूर्ण जानकारी राखिएको हुँदा सकरात्मक सन्देश विश्वभर फिँजिने छ । नेपाली अर्थतन्त्रको मेरुदण्डका रुपमा रहेको पर्यटन क्षेत्रको पुनरुत्थान तथा दिगो विकास गर्न ट्राभल एप विकास गरेको लामाले बताए ।

Go-Nepal-Holiday-Apps-Lunch

एपमा के छन् सुविधा ?

‘गो नेपाल होलिडे’ एन्ड्रोइड मोबाइल, आइफोन तथा आइटी ग्याजेटहरुमा डाउनलोेड गर्न सकिन्छ । एपको माध्यमबाट विश्वको जुनसुकै कुनामा रहेपनि नेपालका पर्यटकीय गन्तव्य, होटल, ट्रेकिङ रुट लगायतका बारेमा जानकारी लिन सकिने छ ।

 

About the author

tinaufm

Leave a Comment